ഉത്തർപ്രദേശിൽ അഞ്ച് വയസുകാരിയെ ലൈംഗിക പീഡനത്തിന് ഇരയാക്കിയ കേസിൽ യുവാവ് അറസ്റ്റിൽ. ലക്നൗ സ്വദേശിയായ അരവിന്ദ് യാദവാണ്(22) പിടിയിലായത്.
നഗരത്തിലെ സാദത്ഗഞ്ച് മേഖലയിലാണ് സംഭവം നടന്നത്. കുട്ടിയുടെ കുടുംബസുഹൃത്തായ അരവിന്ദ് ഇവരുടെ വീട്ടിലെ സ്ഥിരം സന്ദർശകനായിരുന്നു. ശനിയാഴ്ച കുട്ടിയുടെ മാതാപിതാക്കൾ പുറത്തുപോയപ്പോൾ വീട്ടിലെത്തിയ ഇയാൾ കുട്ടിയെ അശ്ലീല ദൃശ്യങ്ങൾ കാണിക്കുകയും തുടർന്ന് പീഡിപ്പിക്കുകയുമായിരുന്നു.
പ്രതിക്കെതിരെ പോക്സോ നിയമത്തിലെ വകുപ്പുകളും ഐപിസി 376-ാം വകുപ്പും ചുമത്തി കേസെടുത്തതായി പോലീസ് അറിയിച്ചു.