തിരുവനന്തപുരം: കന്യാകുമാരി മുതൽ കശ്മീർ വരെ രാഹുൽ ഗാന്ധി നയിക്കുന്ന ഭാരത് ജോഡോ യാത്രക്ക് കേരള പര്യടനത്തിന്റെ രണ്ടാംദിനവും അത്യുജ്ജ്വല വരവേൽപ്.
നേമം വെള്ളായണിയിൽനിന്ന് തിങ്കളാഴ്ച രാവിലെ സംസ്ഥാന നേതാക്കൾക്കും പ്രവർത്തകർക്കുമൊപ്പം പദയാത്ര പുനരാരംഭിച്ചപ്പോൾ ഒപ്പംചേരാനും പാതയോരങ്ങളിൽ സ്വീകരിക്കാനും ആയിരങ്ങളാണ് അണിനിരന്നത്.
‘ഒരുമിക്കുന്ന ചുവടുകള്; ഒന്നാകുന്ന രാജ്യം’എന്ന മുദ്രാവാക്യം ഉയര്ത്തുന്ന യാത്ര രാവിലെ തലസ്ഥാന നഗരിയിലൂടെ കടന്ന് രാത്രി ഏഴരയോടെ കഴക്കൂട്ടത്ത് സമാപിക്കും വരെ പ്രവർത്തകർ മൂവർണക്കൊടികളുമായി പാതയോരങ്ങളിൽ സ്നേഹമതിലുകൾ തീർത്ത് കാത്തുനിന്നു. ആവേശം വാനോളം ഉയർത്തിയ യാത്രക്കിടെ പാതയോരങ്ങളിൽ കാത്തുനിന്നവരെ അഭിവാദ്യം ചെയ്തും അടുത്തേക്ക് വന്ന കുട്ടികളെ ചേർത്തുപിടിച്ചും ആണ് രാഹുൽ നടന്നുനീങ്ങിയത്