ശ്രീനഗര്: കാഷ്മീരിലെ സൈനിക ക്യാമ്പിലുണ്ടായ ചാവേറാക്രമണത്തില് മൂന്ന് സൈനികര്ക്ക് വീരമൃത്യു. ആക്രമണം നടത്തിയ രണ്ട് ഭീകരരെ സൈന്യം വധിച്ചു.
ഇന്ന് പുലര്ച്ചെ രജൗരിയിലെ പാര്ഗല് സൈനിക ക്യാമ്പിലാണ് ഭീകരാക്രമണമുണ്ടായത്. രണ്ട് ഭീകരര് ആര്മി ക്യാമ്പിന്റെ മതില് ചാടിക്കടന്നതോടെ സൈന്യം തിരിച്ചടിച്ചു.
തുടര്ന്ന് ഭീകരരുമായുണ്ടായ ഏറ്റുമുട്ടലിലാണ് സെനികര് വീരമൃത്യു വരിച്ചത്. വെടിവയ്പ്പില് 5 സൈനികര്ക്ക് പരിക്കേറ്റു. കൂടുതല് ഭീകരര് എത്തിയിട്ടുണ്ടെന്ന സംശയത്തെ തുടര്ന്ന് പ്രദേശത്ത് തിരച്ചില് ഊര്ജിതമാക്കിയിട്ടുണ്ട്.