ന്യൂഡൽഹി: കുടുംബവഴക്കിനെ തുടർന്നുണ്ടായ സംഘർഷത്തിൽ എട്ട് വയസുള്ള പെണ്കുട്ടിയുൾപ്പടെ ഒരു കുടുംബത്തിലെ മൂന്ന് പേർക്ക് കുത്തേറ്റു.
മായാ ദേവി(60), അദിതി ശർമ(37), ഇവരുടെ എട്ട് വയസുള്ള മകൾ എന്നിവരെ അദിതിയുടെ ഭർത്താവ് സിദ്ധാർഥ് ആക്രമിക്കുകയായിരുന്നു.
വിവാഹ ബന്ധത്തിലെ തകർച്ച കോടതി വ്യവഹാരങ്ങളിലേക്ക് നയിക്കുകയും ഇത് പിന്നീട് സംഘർഷത്തിൽ കലാശിക്കുകയുമായിരുന്നുവെന്ന് സിദ്ധാർഥിനെ കസ്റ്റഡിയിലെടുത്ത ശേഷം പോലീസ് അറിയിച്ചു.