തിരുവല്ലയില് ഓക്സിജന് കിട്ടാതെ രോഗി മരിച്ച സംഭവത്തില് കേസെടുത്ത് മനുഷ്യാവകാശ കമ്മീഷന്. 15 ദിവസത്തിനകം റിപ്പോര്ട്ട് തയാറാക്കി നല്കാന് പത്തനംതിട്ട മെഡിക്കല് ഓഫീസര്ക്ക് കമ്മീഷന് നിര്ദേശം നല്കി.
മാധ്യമവാര്ത്തകളുടെ അടിസ്ഥാനത്തില് സ്വമേധയാ രജിസ്റ്റര് ചെയ്ത കേസിലാണ് മനുഷ്യാവകാശ കമ്മീഷന്റെ ഇടപെടല്.
തിരുവല്ല സ്വദേശി രാജനാണ് മരിച്ചത്. തിരുവല്ല ആശുപത്രിയില്നിന്ന് വണ്ടാനം മെഡിക്കല് കോളജിലേക്ക് രാജനെ കൊണ്ടുപോകുന്നതിനിടെ ഓക്സിജന് കിട്ടാതെ മരിച്ചെന്നായിരുന്നു ബന്ധുക്കളുടെ ആരോപണം. മെഡിക്കല് കോളജിലേക്കുള്ള യാത്രക്കിടെ സിലിണ്ടര് തീര്ന്നെന്ന് ബന്ധുക്കള് ആരോപിച്ചു