ഗോഹത്യ നടത്തുന്നവരെ കൊല്ലാൻ ആഹ്വാനം ചെയ്ത് രാജസ്ഥാനിലെ ബിജെപി നേതാവ്. മുൻ എംഎൽഎയായ ഗ്യാൻ ദേവ് അഹൂജയാണ് വിവാദ പരാമർശം നടത്തിയത്.
പ്രവർത്തകരുമായി സംവദിക്കുന്ന വീഡിയോ കോളിലാണ് അഹൂജ കൊലപാതകത്തിന് ആഹ്വാനം നടത്തിയത്. ഗോഹത്യയിൽ ഏർപ്പെടുന്നവരെ കൊല്ലണമെന്നും ഇതുവരെ അഞ്ച് പേരെ കൊന്നിട്ടുണ്ടെന്നും അഹൂജ പറഞ്ഞു. റഖ്ബർ ഖാൻ, പെഹ്ലൂ ഖാൻ എന്നിവർ കൊല്ലപ്പെട്ട ലാലവണ്ടി, ബെഹ്റോർ ഗോരക്ഷാ ആക്രമങ്ങണളെപ്പറ്റിയാണ് താൻ സംസാരിക്കുന്നതെന്ന സൂചനയും അദേഹം നൽകി.
കൊല്ലാൻ സ്വാതന്ത്ര്യം നൽകിയിട്ടുണ്ടെന്നും ഗോരക്ഷാ കുറ്റവാളികളെ കുറ്റവിമുക്തരാക്കുകയും ജാമ്യം ഉറപ്പാക്കുകയും ചെയ്യുമെന്നും അഹൂജ വീഡിയോയിൽ പറയുന്നുണ്ട്.
വീഡിയോ സാമൂഹ്യമാധ്യമങ്ങളിൽ വൈറലായതോടെ, ഐപിസി 153 എ വകുപ്പ് പ്രകാരം വർഗീയ സംഘർഷം പ്രചരിപ്പിച്ചതിന് അഹൂജക്കെതിരെ പോലീസ് കേസെടുത്തു