2021-ലെ മികച്ച യൂറോപ്യൻ ഫുട്ബോളർക്കുള്ള യുവേഫ പുരസ്കാരം സ്വന്തമാക്കി കരീം ബെൻസേമയും അല്കസിയ പ്യുട്ടെലാസും. യൂറോപ്പിലെ മികച്ച പരിശീലകനായി കാർലോസ് ആഞ്ചലോട്ടി തെരഞ്ഞെടുക്കപ്പെട്ടു.
റയൽ മാഡ്രിഡിന്റെ ഫ്രഞ്ച് താരമായ ബെൻസേമക്ക് കഴിഞ്ഞ ചാന്പ്യൻസ് ലീഗിലെ മികച്ച പ്രകടനവും ലാ ലിഗയിലെ ഗോൾ വേട്ടയും പുരസ്കാര പട്ടികയിൽ മുൻതൂക്കം നൽകിയിരുന്നു. ബാഴ്സലോണ വനിതാ താരമായ പ്യുട്ടെലാസ് കഴിഞ്ഞ വർഷത്തെ ബലോണ് ഡിയോർ ജേതാവാണ്.
മികച്ച പരിശീലകനുള്ള പുരസ്കാരം നേടിയ റയൽ മാഡ്രിഡിന്റെ ആഞ്ചലോട്ടി നാല് തവണ ഈ നേട്ടത്തിലെത്തുന്ന ആദ്യ വ്യക്തി എന്ന റിക്കാർഡും സ്വന്തമാക്കി.