ഈരാറ്റുപേട്ട: കുടുംബാരോഗ്യ കേന്ദ്രത്തിലെ ചികിത്സ സൗകര്യം വർധിപ്പിക്കുന്നതിന്റെ ഭാഗമായി ഐസൊലേഷൻ വാർഡ് ഒരുങ്ങുന്നു. കോവിഡ് ചികിത്സക്ക് കൂടുതൽ സൗകര്യം ഏർപ്പെടുത്താനും ലക്ഷ്യമിട്ടുള്ള ഐസൊലേഷൻ വാർഡിന്റെ നിർമാണോദ്ഘാടനം വെള്ളിയാഴ്ച സെബാസ്റ്റ്യൻ കുളത്തുങ്കൽ എം.എൽ.എ നിർവഹിക്കും. മുനിസിപ്പൽ ചെയർപേഴ്സൻ സുഹ്റ അബ്ദുൽഖാദർ അധ്യക്ഷതവഹിക്കും. എം.എൽ.എയുടെ ആസ്തിവികസന ഫണ്ടിൽനിന്ന് അനുവദിച്ച രണ്ടുകോടി ഉപയോഗിച്ചാണ് നിർമാണം.