കോട്ടയത്ത് വൻ തീപിടുത്തം; തീ അണയ്ക്കാൻ ശ്രമം തുരുന്നു;

0

കോട്ടയം: കോട്ടയത്ത് വൻ തീപിടുത്തം. നഗരത്തിലെ സ്റ്റേഷനറി കടയുടെ ഗോഡൗണിനാണ് തീപിടിച്ചത്. എംഎൽ റോഡിൽ ബവ്റിജസ് കോർപറേഷന്റെ ഔട്‌ലെറ്റിന് എതിർവശത്തെ ഗോഡൗണിനാണ് ഇന്നു പുലർച്ചെ 1.15ന് തീപിടിച്ചത്. സാധനങ്ങൾ ഏറെയും നശിച്ചു. 2 മണിയോടെ ഭാഗികമായി തീയണച്ചു. മാങ്ങാനത്തു താമസിക്കുന്ന ഈരയിൽക്കടവ് സ്വദേശി സുനിൽ വാടകയ്ക്ക് എടുത്തിരിക്കുന്ന കെട്ടിടം ഗോഡൗണായി ഉപയോഗിച്ചുവരികയായിരുന്നു.

സമീപത്തു താമസിക്കുന്ന കെട്ടിട ഉടമയാണ് ഗോഡൗണിൽനിന്നു തീയും പുകയും ഉയരുന്നതു കണ്ടത്. അഗ്നിരക്ഷാസേനയുടെ 4 യൂണിറ്റുകൾ എത്തി ഷട്ടറുകൾ തകർത്ത് അകത്തു കയറാൻ ശ്രമിച്ചെങ്കിലും തീ ആളിപ്പടർന്നതിനാൽ സാധിച്ചില്ല. തുടർന്നു പുറത്തുനിന്നു വെള്ളം അകത്തേക്ക് ഒഴിച്ചു അണയ്ക്കാൻ ശ്രമം നടത്തി. സമീപത്തെ കെട്ടിടത്തിലേക്കു തീ പടരാതിരിക്കാനുള്ള ശ്രമവും സേന നടത്തി. സ്റ്റേഷൻ ഓഫിസർ അനൂപിന്റെ നേതൃത്വത്തിലാണ് തീ അണയ്ക്കാൻ ശ്രമം നടക്കുന്നത്. പൊലീസും സ്ഥലത്തെത്തി.

Leave a Reply