മുംബൈ: മഹാരാഷ്‌ട്രയിലെ ഏക്നാഥ് ഷിൻഡെ മന്ത്രിസഭ ഇന്നു വികസിപ്പിക്കും. ഷിൻഡെയും ഉപമുഖ്യമന്ത്രി ദേവേന്ദ്ര ഫഡ്നാവിസും അധികാരമേറ്റ് 40 ദിവസത്തിനുശേഷമാണു മന്ത്രിസഭ വികസിപ്പിക്കുന്നത്. ഇന്ന് 12 മന്ത്രിമാർ സത്യപ്രതിജ്ഞ ചെയ്യുമെന്നാണു സൂചന.
ഷിൻഡെപക്ഷത്തെ 40 വിമതരും മന്ത്രിസ്ഥാനമോഹികളാണ്. ഇവരിൽ അഞ്ചു പേർക്കാണ് ആദ്യ ഘട്ടം മന്ത്രിസ്ഥാനം ലഭിക്കുകയെന്നാണു റിപ്പോർട്ട്. ഷിൻഡെപക്ഷത്തുനിന്ന് ഭരത് ഗോഗാവാലെ, ശംഭുരാജ് ദേശായി എന്നിവരും ബിജെപിയിൽനിന്ന് പാർട്ടി സംസ്ഥാന പ്രസിഡന്‍റ് ചന്ദ്രകാന്ത് പാട്ടീൽ, സുധീർ മുൻഗന്തിവാർ, ഗിരീഷ് മഹാജൻ, രാധാകൃഷ്ണ വിഖേ പാട്ടീൽ, സുരേഷ് ഖാദെ, അതുൽ സാവേ എന്നിവരും മന്ത്രിമാരുമാകുമെന്നാണു സൂചന.
