പൊടിക്കാറ്റ് രൂക്ഷമായതതോടെ ദുബായിയിൽ വിമാനത്താവളത്തിൽ ഇറങ്ങേണ്ട ചില വിമാനങ്ങൾ വഴിതിരിച്ചുവിട്ടു. പത്തോളം വിമാനങ്ങളാണ് തിരിച്ചുവിട്ടത്. ദുബായ് വേൾഡ് സെൻട്രൽ (അൽ മക്തൂം വിമാനത്താവളം) ഉൾപ്പെടെയുള്ള വിമാനത്താവളങ്ങളിലാണ് ഇവ ഇറങ്ങിയത്.
മോശം കാലാവസ്ഥ വിമാന സർവീസിനെ ബാധിച്ചതായി ഫ്ലൈ ദുബായിയും അറിയിച്ചു. ദുബായിയിൽ നിന്ന് പുറപ്പെടേണ്ട വിമാനങ്ങളെയും ഇവിടെ ഇറങ്ങേണ്ടവയെയും ബാധിച്ചു. യാത്രക്കാർക്കുണ്ടായ അസൗകര്യത്തിൽ ഖേദിക്കുന്നുവെന്നും സ്ഥിതിഗതികൾ വിലയിരുത്തുകയാണെന്നും കമ്പനി അറിയിച്ചു
