തിരുവനന്തപുരം: യുഡിഎഫിനും ബിജെപിയ്ക്കും കമ്മ്യൂണിസ്റ്റ് വിരുദ്ധതയാണെന്നും കോണ്‍ഗ്രസ് മതേതരത്വം പറയുന്ന ഏക സംസ്ഥാനം കേരളമാണെന്നും സിപിഎം സംസ്ഥാന സെക്രട്ടറി എം.വി.ഗോവിന്ദൻ. മറ്റു സംസ്ഥാനങ്ങളിലെല്ലാം കോണ്‍ഗ്രസ് സ്വീകരിക്കുന്നതു മൃദു ഹിന്ദുത്വ സമീപനമാണ്. മുതിർന്ന നേതാക്കളെല്ലാം ആ പാർട്ടി വിടുകയാണ്. ആരെല്ലാം ഇനി കോണ്‍ഗ്രസ് വിടുമെന്ന് കണ്ടറിയണമെന്നും അദ്ദേഹം പറഞ്ഞു.
കേന്ദ്രം പിന്തുണച്ചാൽ കെ റെയിൽ കേരളത്തിൽ നടന്നിരിക്കും. പൊതുമേഖലാ സ്ഥാപനങ്ങളെ സഹായിച്ചാണു സർക്കാർ മുന്നോട്ടു പോകുന്നത്. കേരള മോഡൽ രാജ്യത്തിനു മാതൃകയാണെന്നും ഗോവിന്ദൻ പറഞ്ഞു.
