ധർമപുരിയിലെ ഭാരതമാതാ സ്മാരകത്തിന് കേട് വരുത്തിയ കേസിൽ ബിജെപി തമിഴ്നാട് വൈസ് പ്രസിഡന്‍റും എംഎൽഎയുമായ കെ.പി. രാമലിംഗം അറസ്റ്റിൽ.
ഓഗസ്റ്റ് 11-ന് പുഷ്പചക്രം അർപ്പിക്കാനെത്തിയ രാമലിംഗവും അനുയായികളും സ്മാരകത്തിന്‍റെ ഗേറ്റ് തകർത്തെന്നും അനുവാദമില്ലാതെ അകത്ത് പ്രവേശിച്ചെന്നുമാണ് പരാതി.
എന്നാൽ കേസ് കെട്ടിച്ചമച്ചതാണെന്നും മുൻകൂർ അനുമതി വാങ്ങി സ്ഥലത്തെത്തിയ നേതാവും കൂട്ടരും സുരക്ഷാ ജീവനക്കാരൻ ഗേറ്റ് തുറക്കാൻ വൈകിയപ്പോൾ കേടുപാടുകളൊന്നും വരുത്താതെ മറ്റൊരു വഴിയിലൂടെ അകത്തേക്ക് പ്രവേശിച്ചെന്നും ബിജെപി സംസ്ഥാന പ്രസിഡന്‍റ് കെ. അണ്ണാമലൈ പറഞ്ഞു.
