കർണാടകയിൽ കെഎസ്ആർടിസി സ്വിഫ്റ്റ് ബസിനു നേരെ ആക്രമണം. സൈഡ് നൽകിയില്ലെന്ന് ആരോപിച്ച് ഒരു സംഘം ആളുകൾ ബസിനു നേരെ കല്ലെറിയുകയും ഡ്രൈവറെ മർദ്ദിക്കുകയും ചെയതു.
ബംഗളൂരുവിൽനിന്നും മൂന്നാറിലേക്ക് വന്ന ബസിലെ ഡ്രൈവർ കം കണ്ടക്ടർ സനൂപിന് ആക്രമണത്തിൽ പരിക്കേറ്റു. മാണ്ഡ്യയിൽ വച്ച് ബൈക്കിലെത്തിയവരാണ് ബസിന് നേരെ കല്ലെറിഞ്ഞത്.
സൈഡ് നൽകിയില്ലെന്ന് ആരോപിച്ച് കാറിലെത്തിയ ഒരു സംഘം ആദ്യം ബസ് തടയുകയായിരുന്നു. പിന്നാലെ ബൈക്കിലെത്തിയ രണ്ട് പേര്‍ ബസിനു നേരെ കല്ലെറിഞ്ഞു. കല്ലേറിൽ ബസിന്‍റെ ചില്ല് തകർന്നു.
