ലക്നോ: ഉത്തർപ്രദേശിൽ വനിതാ ബാങ്ക് മാനേജര്ക്കെതിരെ ആസിഡ് ആക്രമണം. ചാര്വ മേഖലയില് തിങ്കളാഴ്ചയാണ് സംഭവം.
പ്രയാഗാരാജ് സ്വദേശിനിയായ ദീക്ഷ സോങ്ക(34) എന്ന യുവതിക്കാണ് പരിക്കേറ്റത്. കൗശാംബി ജില്ലയിലെ ചൈല് തഹസിലിലെ സയ്യിദ് സരവ ഗ്രാമത്തിലെ ബാങ്കാ ഓഫ് ബറോഡ ബാങ്ക് മാനേജരാണ് ദീക്ഷ.
ജോലിക്കായി സ്കൂട്ടറില് പോകുകയായിരുന്ന ദീക്ഷയെ തടഞ്ഞ് നിര്ത്തിയ യുവാക്കാള് ഇവരുടെ മുഖത്തേക്ക് ആസിഡ് ഒഴിക്കുകയായിരുന്നു.
ദീക്ഷയെ പ്രയാഗ്രാജിലുള്ള എസ്ആര്എന് ആശുപത്രിയില് പ്രവേശിപ്പിച്ചു. പ്രതികളെ പിടികൂടാന് അന്വേഷണം ആരംഭിച്ചതായി പോലീസ് അറിയിച്ചു.