ബോളിവുഡിൽ നിരവധി ബ്ലാക്ക് ആൻഡ് വൈറ്റ് ഹിറ്റ് സിനിമകൾ സമ്മാനിച്ച പ്രമുഖ നിർമാതാവ് അബ്ദുൾ ഗാഫർ നാദിയദ്വാല(91)അന്തരിച്ചു.
ഹൃദയാഘാതത്തെത്തുടർന്ന് മുംബൈ ബ്രീച്ച് കാൻഡി ആശുപത്രിയിൽ തിങ്കളാഴ്ച വെളുപ്പിന് 1.40നായിരുന്നു അന്ത്യം. മകനും നിർമാതാവുമായ ഫിറോസ് നാദിയദ്വാലയാണ് മരണവിവരം പുറത്തുവിട്ടത്. സംസ്കാരം നടത്തി.
1965ലെ മഹാഭാരത്, പ്രിയദർശൻ സംവിധാനം ചെയ്ത ഹേരാ ഫേരി, വെൽക്കം, ആ ഗലേ ലഗ് ജാ, ശങ്കർ ശംഭു, ലഹോ കെ ദോ രംഗ്, വതൻ കെ രഖ്വാലേ തുടങ്ങി അൻപതോളം ചിത്രങ്ങൾ നിർമിച്ചു. ധർമേന്ദ്രയും രേഖയും അഭിനയിച്ച് ഛൂട്ടാ സച് ആണ് ആദ്യ ചിത്രം.