പ്രായപൂർത്തിയാകാത്ത പെൺകുട്ടിയുടെ അശ്ലീല ദൃശ്യം സൂക്ഷിച്ചതിന് യുവാവ് പിടിയിൽ

0

പ്രായപൂർത്തിയാകാത്ത പെൺകുട്ടിയുടെ അശ്ലീല ദൃശ്യം സൂക്ഷിച്ചതിന് യുവാവ് പൊലീസ് പിടിയിൽ. പെരിയമ്പലം ചേലാട്ട് മണികണ്ഠൻ (19) ആണ് അറസ്റ്റിലായത്.

സുഹൃത്തിനൊപ്പം പൊലീസ് സ്റ്റേഷനിൽ എത്തിയപ്പോഴാണ് പോക്‌സോ കേസിൽ അറസ്റ്റ്. വിവിധ കേസുകളിൽ പ്രതിയായ സുഹൃത്തിനെ വടക്കേകാട് പൊലീസ് മുൻകരുതലായി അറസ്റ്റ് ചെയ്തത് അന്വേഷിക്കാനാണ് മണികണ്ഠൻ സ്റ്റേഷനിൽ എത്തിയത്. ഹെൽമറ്റ് ഇല്ലാത്തതിനാൽ അകത്തേക്ക് വിളിപ്പിച്ചു.

ഇതിനിടെ മണികണ്ഠൻ കഞ്ചാവ് വിൽപന സംഘത്തിലെ അംഗമാണെന്ന വിവരം അറിഞ്ഞ പൊലീസ് മൊബൈൽ ഫോൺ പരിശോധിച്ചു. ഇതിൽ പ്രായപൂർത്തിയാകാത്ത പെൺകുട്ടിയുമായുള്ള അശ്ലീല വിഡിയോയും ചിത്രങ്ങളും കണ്ടെത്തുകയും തുടർന്ന് പോക്‌സോ നിയമപ്രകാരം അറസ്റ്റ് ചെയ്യുകയുമായിരുന്നു. പ്രതിയെ കോടതി റിമാൻഡ് ചെയ്തു.

Leave a Reply