ജറുസലേം: ഓൾഡ് സിറ്റിയിൽ ജൂത തീർഥാടകർ സഞ്ചരിച്ച ബസിന് നേരെയുണ്ടായ വെടിവയ്പ്പിൽ എട്ട് പേർക്ക് പരിക്ക്. ആക്രമണത്തിന് ശേഷം തോക്കുധാരി സ്വമേധയാ പോലീസിന് കീഴടങ്ങി.
ജൂത മതത്തിലെ പുണ്യസ്ഥലമായ വിലാപത്തിന്റെ മതിലിൽ സാബത്തിനോടനുബന്ധിച്ചുള്ള പ്രാർഥന നടത്തിയ ശേഷം മടങ്ങിയവരാണ് ആക്രമണത്തിന് ഇരയായത്. പരിക്കേറ്റവരിൽ അഞ്ച് പേർ അമേരിക്കൻ പൗരൻമാരാണ് എന്ന് റിപ്പോർട്ടുകളുണ്ട്.
സംഭവത്തിൽ അന്വേഷണം ആരംഭിച്ചെന്നും പ്രദേശം ഇപ്പോൾ ശാന്തമാണെന്നും പോലീസ് അറിയിച്ചു. അക്രമിയെ കുറിച്ചുള്ള വിവരങ്ങൾ അധികൃതർ പുറത്തുവിട്ടിട്ടില്ല.