മാള: പുത്തൻചിറയിൽ ഒന്പതാം ക്ലാസുകാരൻ ഒഴുക്കിൽപ്പെട്ടു മരിച്ചു. പിണ്ടാണി ഉദയ ക്ലബിന് സമീപം താമസിക്കുന്ന പനങ്കായി സലാമിന്റെ മകൻ സഹദ്(14) ആണ് മരിച്ചത്.
കടുപ്പൂക്കര – ചേര്യേക്കര പാലത്തിനു സമീപം കരിങ്ങോൾച്ചിറയിലാണ് സംഭവം. ചിറയിലെ വെള്ളത്തിൽ വീണ കൂട്ടുകാരന്റെ ചെരിപ്പ് എടുക്കാൻ ഇറങ്ങിയപ്പോഴായിരുന്നു അപകടം.
കടുപ്പുക്കര പുഴയിൽ കൂട്ടുകാരുമൊത്ത് ചൂണ്ടയിടാൻ പോയതായിരുന്നു. ചെരിപ്പ് എടുക്കാൻ ശ്രമിക്കവേ സഹദ് കാൽവഴുതി വീഴുകയായിരുന്നു.