രാജ്യത്തിന്റെ ചരിത്രത്തിൽ ഏറ്റവുമധികം ആത്മഹത്യകൾ റിപ്പോർട്ട് ചെയ്യപ്പെട്ട വർഷമെന്ന അപഖ്യാതി 2021-ന് സ്വന്തം. ദേശീയ ക്രൈം റിക്കാർഡ്സ് ബ്യൂറോ(എൻസിആർബി) പുറത്തുവിട്ട കണക്കുകളാണ് ഈ വസ്തുത വെളിപ്പെടുത്തിയത്.
എൻസിആർബി കണക്ക് പ്രകാരം 2021-ൽ രാജ്യത്ത് ഒരു ലക്ഷം പേരിൽ 120 ആത്മഹത്യ എന്ന നിരക്കിൽ 1,64,033 പേർ ജീവനൊടുക്കി. എൻസിആർബി ഔദ്യോഗികമായി ആത്മഹത്യാ കണക്കെടുപ്പ് ആരംഭിച്ച 1967 മുതൽ ഏറ്റവുമധികം ആളുകൾ ജീവനൊടുക്കിയെന്ന് റിപ്പോർട്ട് ലഭിച്ച 2010-ലെ കണക്കാണ് 2021 മറികടന്നത്. 2010-ൽ ഒരു ലക്ഷം പേരിൽ 113.5 ആത്മഹത്യ എന്ന നിരക്ക് രേഖപ്പെടുത്തിയിരുന്നു.
1,53,052 പേർ ആത്മഹത്യ ചെയ്ത 2020-ൽ നിന്ന് 7.2% അധികം ആളുകൾ 2021-ൽ ജീവനൊടുക്കിയതായും കണക്കുകൾ പറയുന്നു.
അഭ്യസ്തവിദ്യരും താരതമേന്യ ഉയർന്ന ശന്പളമുള്ള ജോലിക്കാരുമാണ് 2021-ൽ ജീവനൊടുക്കിയവരിൽ ഭൂരിഭാഗമെന്ന കണക്കും എൻസിആർബി രേഖ വ്യക്തമാക്കുന്നു.