അണ്ടത്തോട്: ദേശീയപാതയിൽ ടോറസ് ലോറി നിയന്ത്രണം വിട്ട് മറിഞ്ഞു. വൈദ്യുതിക്കാൽ ഇടിച്ച് തെറിപ്പിച്ചു. അണ്ടത്തോട് ഫെഡറൽ ബാങ്കിന് സമീപം തിങ്കളാഴ്ച പുലർച്ചെ മലപ്പുറത്ത് നിന്ന് ആലപ്പുഴയിലേക്ക് കരിങ്കല്ല് കയറ്റി പോകുകയായിരുന്ന ലോറിയാണ് മറിഞ്ഞത്.
എതിരെ വന്ന വാഹനത്തിന് സൈഡ് കൊടുക്കുന്നതിനിടെ മറിയുകയായിരുന്നു. ലോറി ഡ്രൈവറും ക്ലീനറും പരിക്കേൽക്കാതെ രക്ഷപ്പെട്ടു. റോഡരികിലെ വൈദ്യുതിക്കാൽ ഇടിച്ചു തെറിപ്പിച്ചതിനാൽ മണിക്കൂറുകളോളം വൈദ്യുതി നിശ്ചലമായി.