റാഞ്ചി: രാഷ്ട്രപതി തെരഞ്ഞെടുപ്പിൽ കോൺഗ്രസിന്റെ സഖ്യകക്ഷിയായ ഝാർഖണ്ട് മുക്തി മോർച്ചയുടെ (ജെ.എം.എം) പിന്തുണ എൻ.ഡി.എ സ്ഥാനാർഥി ദ്രൗപദി മുർമുവിന്. ജെ.എം.എമ്മിന്റെ എം.പിമാരും എം.എൽ.എമാരും മുർമുവിന് വോട്ട് ചെയ്യണമെന്ന് പ്രസിഡന്റ് ഷിബു സോറൻ നിർദേശിച്ചു.
ജെ.എം.എം. കോൺഗ്രസ് അടക്കമുള്ള പ്രതിപക്ഷ കക്ഷികളുടെ രാഷ്ട്രപതി സ്ഥാനാർഥിയായി യശ്വന്ത് സിൻഹ ഉണ്ടായിരിക്കെയാണ് സംസ്ഥാനത്ത് കോൺഗ്രസിന്റെ സഖ്യകക്ഷിയായ ജെ.എം.എം എൻ.ഡി.എ സ്ഥാനാർഥിയെ പിന്തുണക്കുന്നത്.