തിരുവനന്തപുരം: കെ റെയിൽ പദ്ധതിക്കായി ഭൂമി നഷ്ടപ്പെടുന്നവരുടെ വിഷമം സർക്കാർ മനസിലാക്കുന്നുവെന്ന് മുഖ്യമന്ത്രി പിണറായി വിജയൻ. ഭൂമി നഷ്ടപ്പെടുന്ന എല്ലാവർക്കും നഷ്ടപരിഹാരം നൽകും. നാലിരട്ടി നഷ്ടപരിഹാരമെന്നത് വെറും വാക്കല്ലെന്നും മുഖ്യമന്ത്രി പറഞ്ഞു.
വികസനം അനുവദിക്കില്ല എന്ന ദുശാഠ്യമാണ് പ്രതിപക്ഷത്തിന്. ആര് പറയുന്നതാണ് ജനം കേൾക്കുക എന്ന് നമ്മൾക്ക് കാണാം. യുഡിഎഫ് വിചാരിച്ചാൽ കുറച്ച് ആളുകളെ മാത്രമാകും ഇറക്കാനാകുക. സർക്കാർ പൂർണ തോതിൽ നാട്ടിൽ ഇറങ്ങി പദ്ധതി വിശദീകരിക്കുമെന്നും മുഖ്യമന്ത്രി പറഞ്ഞു.