ന്യൂഡൽഹി: ഭീകരാക്രമണ ഭീഷണിയെ തുടർന്ന് രാജ്യതലസ്ഥാനത്ത് സുരക്ഷ ശക്തമാക്കി. അജ്ഞാത ഇമെയിൽ സന്ദേശം വഴി ഉത്തർപ്രദേശ് പോലീസിനാണ് ഭീകരാക്രമണ ഭീഷണിയെത്തിയത്. ഇവർ ഡൽഹി പോലീസിന് വിവരം കൈമാറുകയായിരുന്നു.
തീവ്രവാദ സംഘടനയായ തെഹ്രിക്-ഇ-താലിബാനാണ് ഇമെയിലിന് പിന്നിലെന്നാണ് പോലീസ് വിലയിരുത്തുന്നത്. ഡൽഹിയിലെ സരോജ്നി മാർക്കറ്റ് പോലുള്ള പ്രദേശങ്ങളിൽ സുരക്ഷാനിർദ്ദേശങ്ങളെ മുന്നിർത്തി പരിശോധന ശക്തമാക്കിയതായും പോലീസ് അറിയിച്ചു.