ബൈജു പൗലോസിനെതിരേ ആലപ്പുഴ സ്വദേശി സാഗര്‍ വിന്‍സെന്‍റ് ഹൈക്കോടതിയില്‍ ഹര്‍ജി നല്‍കി

0

കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥനായ ബൈജു പൗലോസിനെതിരേ ആലപ്പുഴ സ്വദേശി സാഗര്‍ വിന്‍സെന്‍റ് ഹൈക്കോടതിയില്‍ ഹര്‍ജി നല്‍കി. കേസില്‍ നേരത്തെ നല്‍കിയ മൊഴി മാറ്റി താന്‍ പറയുന്ന തരത്തില്‍ മൊഴി നല്‍കണമെന്നാവശ്യപ്പെട്ട് അന്വേഷണ ഉദ്യോഗസ്ഥന്‍ ഭീഷണിപ്പെടുത്തുന്നു എന്നാരോപിച്ചാണ് സാഗര്‍ ഹൈക്കോടതിയെ സമീപിച്ചത്.

ന​ടി കാ​വ്യാ മാ​ധ​വ​ന്‍റെ സ​ഹോ​ദ​ര​ന്‍റെ ഉ​ട​മ​സ്ഥ​ത​യി​ലു​ള്ള ല​ക്ഷ്യ എ​ന്ന സ്ഥാ​പ​ന​ത്തി​ലെ ജീ​വ​ന​ക്കാ​ര​നാ​യി​രു​ന്നു ഹ​ര്‍​ജി​ക്കാ​ര​ന്‍. ശ​മ്പ​ളം സം​ബ​ന്ധി​ച്ച ത​ര്‍​ക്ക​ത്തെ​ത്തു​ട​ര്‍​ന്ന് 2017 ജൂ​ലൈ​യി​ല്‍ ജോ​ലി ഉ​പേ​ക്ഷി​ച്ച് നാ​ട്ടി​ലേ​ക്ക് പോ​യി. ഇ​പ്പോ​ള്‍ ഓ​ട്ടോ​റി​ക്ഷ ഓ​ടി​ച്ചാ​ണ് ഉ​പ​ജീ​വ​നം ന​ട​ത്തു​ന്ന​തെ​ന്നും ഹ​ര്‍​ജി​ക്കാ​ര​ന്‍ പ​റ​യു​ന്നു.

ന​ടി​യെ ആ​ക്ര​മി​ച്ച കേ​സി​ല്‍ പോ​ലീ​സ് ഇ​യാ​ളെ സാ​ക്ഷി​യാ​ക്കി​യി​രു​ന്നു. താ​ന്‍ പ​റ​ഞ്ഞു പ​ഠി​പ്പി​ക്കു​ന്ന ത​ര​ത്തി​ല്‍ കേ​സി​ല്‍ മൊ​ഴി ന​ല്‍​കാ​നാ​ണ് ബൈ​ജു പൗ​ലോ​സ് ആ​വ​ശ്യ​പ്പെ​ട്ടി​രു​ന്ന​ത്. എ​ന്നാ​ല്‍ ഇ​തു അ​വ​ഗ​ണി​ച്ച് സി​ജെ​എം മു​മ്പാ​കെ സ​ത്യം മാ​ത്ര​മാ​ണ് ര​ഹ​സ്യ​മൊ​ഴി​യാ​യി ന​ല്‍​കി​യ​ത്. ഇ​തി​നു​ശേ​ഷം കോ​ട​തി​യി​ലും ത​നി​ക്ക​റി​യാ​വു​ന്ന സ​ത്യ​ങ്ങ​ളാ​ണ് പ​റ​ഞ്ഞ​ത്.

ഇ​തേ​ത്തു​ട​ര്‍​ന്ന് ബൈ​ജു പൗ​ലോ​സ് ഭീ​ഷ​ണി​പ്പെ​ടു​ത്തു​ക​യാ​ണെ​ന്ന് ഹ​ര്‍​ജി​ക്കാ​ര​ന്‍ ആ​രോ​പി​ക്കു​ന്ന​ത്. മാ​ര്‍​ച്ച് ര​ണ്ടി​ന് ഹാ​ജ​രാ​കാ​ന്‍ നി​ര്‍​ദേ​ശി​ച്ച് സാ​ഗ​റി​നു ബൈ​ജു പൗ​ലോ​സ് നോ​ട്ടീ​സ് ന​ല്‍​കി​യി​രു​ന്നു. ഇ​തി​നു മ​റു​പ​ടി ന​ല്‍​കി​യ​തി​നെ​ത്തു​ട​ര്‍​ന്ന് വെള്ളിയാഴ്ച ഹാ​ജ​രാ​കാ​ന്‍ വീ​ണ്ടും നോ​ട്ടീ​സ് ന​ല്‍​കി. ത​ന്നെ ശാ​രീ​രി​ക​മാ​യും മാ​ന​സി​ക​മാ​യും ഉ​പ​ദ്ര​വി​ക്കു​മെ​ന്ന് ആ​ശ​ങ്ക​യു​ണ്ടെ​ന്നും നോ​ട്ടീ​സി​ലെ തു​ട​ര്‍​ന​ട​പ​ടി​ക​ള്‍ ത​ട​യ​ണ​മെ​ന്നു​മാ​ണ് ഹ​ര്‍​ജി​യി​ലെ ആ​വ​ശ്യം.

LEAVE A REPLY

Please enter your comment!
Please enter your name here