തിരുവനന്തപുരം: കെ റെയിൽ പദ്ധതിയിൽ ബഫർ സോണില്ലെന്ന പ്രസ്താവന തിരുത്തി മന്ത്രി സജി ചെറിയാൻ. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ബഫർ സോണുണ്ടാകുമെന്ന് സ്ഥിരീകരിച്ചതിന് പിന്നാലെയാണ് മന്ത്രിയുടെ മലക്കംമറിച്ചിൽ.
ബഫർ സോണിൽ പാർട്ടി സെക്രട്ടറി പറഞ്ഞതാണ് ശരി. തനിക്ക് തെറ്റു പറ്റിയതാകാമെന്നും എല്ലാ മനുഷ്യർക്കും തെറ്റു പറ്റാമല്ലോയെന്നും സജി ചെറിയാൻ പറഞ്ഞു. കെ റെയിലിൽ ഒരു മീറ്റർ പോലും ബഫർ സോണില്ലെന്നാണ് കഴിഞ്ഞ ദിവസം സജി ചെറിയാൻ അവകാശപ്പെട്ടത്.
ഇതിനു പിന്നാലെ മന്ത്രിയെ തിരുത്തി പത്ത് മീറ്റർ ബഫർ സോൺ എന്നായിരുന്നു കെ റെയിൽ എംഡിയുടെ വിശദീകരണം. പദ്ധതിയിൽ ബഫർ സോൺ ഉണ്ടാകുമെന്ന് മന്ത്രി പറഞ്ഞതല്ല, കെ റെയിൽ എംഡി പറഞ്ഞതാണ് ശരിയെന്ന് പിന്നാലെ കോടിയേരി മാധ്യമങ്ങളോട് വ്യക്തമാക്കിയിരുന്നു.