മലയാളി പ്രേക്ഷകർ ആവേശത്തോടെയാണ് ബിഗ് ബോസ് മലയാളം സീസൺ നാലിന്റെ ഓരോ എപ്പിസോഡുകളും കാത്തിരിക്കുന്നത്. തങ്ങളുടെ ഇഷ്ട താരങ്ങളുടെ ബിഗ് ബോസിലെ പ്രകടനം എങ്ങനെയാണ് എന്ന ആകാംഷയാണ് ഓരോ വീടുകളിലും. ദിവസവും വ്യത്യസ്തമായ ടാസ്കുകളാണ് ബിഗ്‌ബോസ് വീട്ടിൽ താരങ്ങൾക്ക് നൽകാറുള്ളത്.
ബിഗ് ബോസിലെ ആദ്യ ആഴ്‍ചത്തെ ടാസ്‍ക് ഒരു പാവയുമായി ബന്ധപ്പെട്ടായിരുന്നു. പാവ ലഭിക്കുന്ന ആള്‍ക്കാര്‍ക്ക് സവിശേഷ അധികാരം ലഭിക്കുന്നതായിരുന്നു ടാസ്‍ക്. പാവ ലഭിച്ചവര്‍ക്ക് മാത്രമായിരിക്കും വീടിനകത്ത് പ്രവേശനം. പാവ കൈവശമില്ലാത്തവര്‍ക്ക് വീട്ടില്‍ കയറാൻ പ്രവേശനം ലഭിക്കാൻ നടത്തുന്ന പ്രത്യേകത മത്സരത്തില്‍ ഏറ്റവും ഒടുവില്‍ ജയിച്ചത് സുചിത്രയുമായിരുന്നു.
പാവ കൈവശമുള്ള ആളുകൾക്ക് വീട്ടിനു പുറത്തുള്ള രണ്ട് പേരെ മത്സരത്തിന് തെരഞ്ഞെടുക്കാം എന്നായിരുന്നു തുടക്കത്തിലെ രീതി. തെരഞ്ഞെടുക്കപ്പെടുന്നവര്‍ തമ്മില്‍ മത്സരിക്കുകയും അതില്‍ വിജയിക്കുന്നവര്‍ക്ക് വീട്ടിനകത്ത് കയറാമെന്ന തരത്തിലുമായിരുന്നു ടാസ്‍ക്. അങ്ങനെ കഴിഞ്ഞ ദിവസം മത്സരം ജയിച്ച് നിമിഷയും ഇന്ന് അഖിലുമാണ് വീട്ടിനകത്ത് പ്രവേശിച്ചത്.
വീട്ടില്‍ പ്രവേശിക്കുന്നതിനായുള്ള മത്സരത്തിന് ഇന്ന് ശാലിനിയെയും അഖിലിനെയും തെരഞ്ഞെടുത്തത് പാവ കൈവശമുള്ളവര്‍ തന്നെയായിരുന്നു. എന്നാല്‍ രണ്ടാമത്തെ തവണ മത്സരത്തിനായി രണ്ടുപേരെ തെരഞ്ഞെടുക്കാനുള്ള അവസരം വീട്ടിനു പുറത്തുള്ളവര്‍ക്കായിരുന്നു. എന്തുകൊണ്ട് വീട്ടിനകത്ത് തങ്ങള്‍ പ്രവേശിക്കാൻ യോഗ്യരാണ് എന്ന് വ്യക്തമാക്കുകയും വേണമായിരുന്നു.
പക്ഷേ റോണ്‍സണ്‍ താൻ എന്തുകൊണ്ട് വീട്ടിനകത്ത് പ്രവേശിക്കാൻ യോഗ്യനാണ് എന്ന് പറയാതെ ആദ്യമേ ലക്ഷ്‍മി പ്രിയയുടെയും സുചിത്രയുടെയും പേരുകള്‍ നിര്‍ദ്ദേശിച്ചു. നല്ല ഭക്ഷണം കൃത്യമായി ലഭിക്കണമെങ്കില്‍ അവര്‍ പോകണമെന്നായിരുന്നു റോണ്‍സണ്‍ ചൂണ്ടിക്കാട്ടിയത്. മറ്റുള്ളവരും റോണ്‍സണിന്റെ അഭിപ്രായത്തോട് യോജിച്ചു. അങ്ങനെ ലക്ഷ്‍മി പ്രിയയെും സുചിത്രയെയും മത്സരത്തിനായി തെരഞ്ഞെടുത്തു.
കാലുകള്‍ പരസ്‍പരം ബന്ധിച്ച് ഒരറ്റത്തുള്ള ബാസ്‍കറ്റില്‍ നിന്ന് ബോളുകള്‍ ശേഖരിച്ച് തിരികെ വന്ന് കാലിയായ ബാസ്‍കറ്റില്‍ ബോളുകള്‍ നിക്ഷേപിക്കുന്നതായിരുന്നു ടാസ്‍ക്. ലക്ഷ്‍മി പ്രിയയും സുചിത്രയും വാശിയോടെ മത്സരിച്ചു. ഇരുവരും തുല്യമായ തരത്തിലായിരുന്നു മത്സരം പൂര്‍ത്തീകരിച്ചത്. പക്ഷേ കയ്യില്‍ നിന്ന് താഴെ വീണ ബോളുകള്‍ ലക്ഷ്‍മി പ്രിയ പെറുക്കിയെടുത്ത് വീണ്ടും ബാസ്‍കറ്റില്‍ നിക്ഷേപിച്ചു എന്നത് കണക്കിലെടുത്ത് സുചിത്രയെ വിജയിയായി പ്രഖ്യാപിച്ചു. എന്നാല്‍ ഇതോടെ ഇത്തവണത്തെ വീക്ക്‍ലി ടാസ്‍ക് അവസാനിച്ചിരുന്നു. എല്ലാവര്‍ക്കും വീട്ടില്‍ പ്രവേശിക്കാൻ അനുവാദവുമുണ്ടായിരുന്നു. പക്ഷേ അടുത്ത ദിവസങ്ങളില്‍ ഇന്നത്തെ വിജയം സുചിത്രയ്‍ക്ക് സഹായകരമായേക്കാം.
സിനിമ, സീരിയൽ, സംഗീതം, കല എന്നു തുടങ്ങി വിവിധ രംഗങ്ങളിൽ നിന്നുള്ള 17 മത്സരാർത്ഥികളാണ് ഈ സീസണിൽ ബിഗ് ബോസ് ടൈറ്റിൽ പട്ടത്തിനായി മത്സരിക്കുന്നത്. ഈ സീസണിലെ മത്സരാർത്ഥികൾ ആരെന്നറിയാനുള്ള കാത്തിരിപ്പിലാണ് ബിഗ് ബോസ് പ്രേക്ഷകർ