തിരുവനന്തപുരം: കോൺഗ്രസിന്റെ രാജ്യസഭ സ്ഥാനാർഥി ജെബി മേത്തർ നാമനിർദേശ പത്രിക സമർപ്പിച്ചു. റിട്ടേണിംഗ് ഓഫീസറായ നിയമസഭ സെക്രട്ടറി മുന്പാകെയാണ് പത്രിക സമർപ്പിച്ചത്. കെപിസിസി അധ്യക്ഷൻ കെ. സുധാകരൻ, പ്രതിപക്ഷ നേതാവ് വി.ഡി. സതീശൻ തുടങ്ങിയ മുതിർന്ന നേതാക്കൾക്കൊപ്പം എത്തിയായിരുന്നു പത്രിക നൽകിയത്.
രാജ്യസഭ തെരഞ്ഞെടുപ്പിലേക്കു നാമനിർദേശ പത്രിക സമർപ്പിക്കാനുള്ള അവസാന ദിവസം ഇന്നാണ്. ഇടതുപക്ഷ സ്ഥാനാർഥികളായ എ.എ. റഹീം, പി. സന്തോഷ് കുമാർ എന്നിവർ കഴിഞ്ഞ ദിവസം നാമനിർദേശ പത്രിക സമർപ്പിച്ചിരുന്നു.