കവരത്തി: ലക്ഷദ്വീപിൽ നിരോധനാജ്ഞ പ്രഖ്യാപിച്ച് അഡ്മിനിസ്ട്രേഷൻ. ദ്വീപിൽ തിങ്കളാഴ്ച എൻസിപി പ്രതിഷേധം ദിനം പ്രഖ്യാപിച്ചിരുന്നു. ഇതിന് പിന്നാലെയാണ് നടപടി. ഞായറാഴ്ച രാത്രി 10 മുതൽ നിരോധനാജ്ഞ നിലവിൽ വന്നു.
ഇനിയൊരു അറിയിപ്പുണ്ടാകുന്നതുവരെയാണ് നിരോധനാജ്ഞ. പ്രതിഷേധങ്ങൾക്ക് തടയിടാനാണ് നടപടിയെന്ന് ലക്ഷദ്വീപ് എംപി പി.പി.മുഹമ്മദ് ഫൈസൽ വിമർശിച്ചു. അതേസമയം, ഉത്തരവ് ഇറങ്ങിയ ഉടൻ രാത്രി പത്തിന് മുമ്പ് പ്രകടനം നടത്തി നാട്ടുകാർ പ്രതിഷേധിച്ചു.