സൂ​പ്പ​ര്‍ ​മാ​ര്‍​ക്ക​റ്റ് ജീ​വ​ന​ക്കാ​രി​യെ മർദിച്ച സം​ഭ​വം: ഉടൻ അറസ്റ്റ് വേണമെന്നു വനിതാ കമ്മീഷൻ

0

തൃ​പ്പൂ​ണി​ത്തു​റ: തൃ​പ്പൂ​ണി​ത്തു​റ​യി​ല്‍ സൂ​പ്പ​ര്‍ ​മാ​ര്‍​ക്ക​റ്റി​ലെ ജീ​വ​ന​ക്കാ​രി​ക്കു മ​ര്‍​ദ​ന​മേ​റ്റ സം​ഭ​വ​ത്തി​ല്‍ വ​നി​ത ക​മ്മീ​ഷ​ന്‍ ഇ​ട​പ്പെ​ട്ടു. പ്ര​തി​യെ എ​ത്ര​യും വേ​ഗം അ​റ​സ്റ്റ് ചെ​യ്യാ​ന്‍ തൃ​പ്പൂ​ണി​ത്തു​റ ഹി​ല്‍​പാ​ല​സ് പോ​ലീ​സി​നു നി​ര്‍​ദേ​ശം ന​ല്‍​കി.

സ​ഹ​പ്ര​വ​ർ​ത്ത​ക​യു​ടെ ഭ​ർ​ത്താ​വി​ന്‍റെ ആ​ക്ര​മ​ണ​ത്തി​ലാ​ണ് സൂ​പ്പ​ർ​മാ​ർ​ക്ക​റ്റി​ലെ ജീ​വ​ന​ക്കാ​രി​ക്ക് ഗു​രു​ത​ര പ​രി​ക്കേ​റ്റ​ത്. പു​തി​യ​കാ​വ് മാ​ളേ​കാ​ട് അ​തി​ർ​ത്തി റോ​ഡി​ൽ ഷി​ജി സു​ധി ലാ​ലി​നെ​യാ​ണ് സ​ഹ​പ്ര​വ​ർ​ത്ത​ക​യു​ടെ ഭ​ർ​ത്താ​വാ​യ സ​തീ​ഷ് മ​ർ​ദി​ച്ച​ത്.

ഹെ​ൽ​മ​റ്റി​നു അ​ടി​യേ​റ്റ് ത​ല​യ്ക്കും കൈ​യ്ക്കും പ​രു​ക്കേ​റ്റ ഷി​ജി ക​ള​മ​ശേ​രി മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണ്. മി​നി ബൈ​പാ​സ്-​ ക​ണ്ണ​ൻ​കു​ള​ങ്ങ​ര റോ​ഡി​ലെ സൂ​പ്പ​ർ​മാ​ർ​ക്ക​റ്റി​ൽ ചൊ​വ്വാ​ഴ്ച ഉ​ച്ച​യ്ക്കു 2.45 നാ​യി​രു​ന്നു സം​ഭ​വം.

ബി​ൽ അ​ടി​ക്കു​ന്ന ഭാ​ഗ​ത്തു മ​റ്റൊ​രു സ​ഹ​വ​ർ​ത്ത​ക​യു​മൊ​ത്തു ഷി​ജി സം​സാ​രി​ച്ചു നി​ൽ​ക്കു​ന്ന​തി​നി​ടെ സ​തീ​ഷ് വ​ന്ന് ആ​ക്ര​മി​ക്കു​ക​യാ​യി​രു​ന്നു. സ​മീ​പ​ത്തു നി​ന്ന​വ​രും ക​ട​യി​ൽ സാ​ധ​ന​ങ്ങ​ൾ വാ​ങ്ങാ​ൻ എ​ത്തി​യ​വ​രും ചേ​ർ​ന്നാ​ണ് സ​തീ​ഷി​നെ പി​ടി​ച്ചു മാ​റ്റി​യ​ത്.

ഭാ​ര്യ​യെ അ​ന്വേ​ഷി​ച്ചു സൂ​പ്പ​ർ ​മാ​ർ​ക്ക​റ്റി​ലെ ഫോ​ണി​ലേക്കു സ​തീ​ഷ് വി​ളി​ച്ച​പ്പോ​ൾ ഷി​ജി​യാ​ണ് ഫോ​ൺ എ​ടു​ത്ത​ത്. ഭാ​ര്യ പാ​ക്കിം​ഗി​ൽ ആ​യ​തി​നാ​ൽ ഫോ​ൺ ന​ൽ​കാ​ൻ ഷി​ജി​ക്കു ക​ഴി​ഞ്ഞി​ല്ല. ഇ​തേ​ത്തു​ട​ർ​ന്നു​ണ്ടാ​യ പ്ര​ശ്ന​മാ​ണ് ആ​ക്ര​മ​ണ​ത്തി​ൽ ക​ലാ​ശി​ച്ച​ത്. മ​ർ​ദ​ന​ത്തി​ന്‍റെ സി​സി​ടി​വി ദൃ​ശ്യ​ങ്ങ​ളും പു​റ​ത്തു​വ​ന്നി​ട്ടു​ണ്ട്.

Leave a Reply