അശ്ലീല ദൃശ്യങ്ങൾ കാണിച്ച് മൂന്ന് വയസുകാരിയെ പീഡിപ്പിച്ച 13 വയസുകാരൻ പിടിയിൽ

0

ലക്‌നൗ:അശ്ലീല ദൃശ്യങ്ങൾ കാണിച്ച് മൂന്ന് വയസുകാരിയെ പീഡിപ്പിച്ച 13 വയസുകാരൻ പിടിയിൽ.ഞായറാഴ്ചയാണ് മൂന്നുവയസുകാരി പീഡനത്തിന് ഇരയായത്. തിങ്കളാഴ്ച മൂന്ന് വയസുകാരിയുടെ രക്ഷിതാക്കൾ പരാതി നൽകിയിരുന്നു. ഇതിന്റെ അടിസ്ഥാനത്തിൽ 13കാരനെ പോലീസ് അറസ്റ്റ് ചെയ്തു. പീഡനത്തിനിടെ ഗുരുതരമായി പരിക്കേറ്റ മൂന്നുവയസുകാരിയുടെ ചികിത്സയിലാണ്. ഉത്തർപ്രദേശിലെ കാൺപൂരിലാണ് സംഭവം.

സംഭവദിവസം കുട്ടിയുടെ പിതാവ് ജോലിക്ക് പോയിരിക്കുകയായിരുന്നു. അമ്മയാണ് കുട്ടിക്കൊപ്പം വീട്ടിലുണ്ടായിരുന്നത്. വൈകുന്നേരമായപ്പോൾ അയൽവാസിയായ 13 കാരനായ പ്രതി ഇവരുടെ വീട്ടിലെത്തി. കുഞ്ഞിനെ താലോലിച്ച ശേഷം 13കാരൻ വീട്ടിലേക്ക് കൊണ്ടുപോവുകയായിരുന്നു. ഈ സമയത്ത് പ്രതിയുടെ വീട്ടിൽ ആരുമുണ്ടായിരുന്നില്ല. മൊബൈൽ ഫോണിൽ അശ്ലീല ദൃശ്യം കാണിച്ചുകൊണ്ട് പെൺകുഞ്ഞിനെ പ്രതി പീഡിപ്പിക്കുകയായിരുന്നു.

കുഞ്ഞിന്റെ അവസ്ഥ വഷളായതോടെ 13കാരൻ കുഞ്ഞിനെ വീടിന് വെളിയിൽ ഉപേക്ഷിക്കുകയായിരുന്നു. സ്വകാര്യ ഭാഗങ്ങളിൽ നിന്ന് രക്തം വരുന്ന നിലയിലാണ് കുഞ്ഞിനെ അമ്മ കണ്ടെത്തിയത്. കുഞ്ഞിനെ സമീപത്തുള്ള ക്ലിനിക്കിൽ എത്തിച്ച് പ്രാഥമിക ശ്രുശ്രൂഷ നൽകി തിരികെ വീട്ടിലെത്തിച്ചു. എന്നാൽ വൈകുന്നേരത്തോടെ കുഞ്ഞിന്റെ അവസ്ഥ മോശമായി.

വിശദമായ പരിശോധനയിലാണ് കുഞ്ഞ് പീഡനത്തിന് ഇരയായതായി വ്യക്തമായത്. ഇതോടെയാണ് രക്ഷിതാക്കൾ പോലീസിനെ സമീപിച്ചത്

Leave a Reply